Skilmálar og skilyrði

Kafli A – Almenn ákvæði

1. Gildissvið og lagagrunnur

Skilmálar þessir gilda um kaup og önnur viðskipti við Gullmarkaðurinn-verslun ehf. („félagið“) í gegnum gullverslun.is og eftir atvikum aðrar söluleiðir félagsins.

Með því að ljúka pöntun samþykkir viðskiptavinur skilmála þessa.

Skilmálarnir skulu túlkaðir og framkvæmd þeirra vera í samræmi við gildandi íslensk lög, eftir því sem við á, meðal annars:

• lög nr. 48/2003 um neytendakaup,
• lög nr. 16/2016 um neytendasamninga,
• lög nr. 44/2026 um markaðssetningu,
• lög nr. 7/1936 um samningsgerð, umboð og ógilda löggerninga,
• lög nr. 140/2018 um aðgerðir gegn peningaþvætti og fjármögnun hryðjuverka,
• lög nr. 90/2018 um persónuvernd og vinnslu persónuupplýsinga,
• og aðrar ófrávíkjanlegar reglur sem við eiga hverju sinni.

Ef ákvæði þessara skilmála rekst á ófrávíkjanleg réttindi neytanda samkvæmt lögum ganga lögbundin réttindi neytandans framar.

2. Skilgreiningar

Í skilmálum þessum merkir:

Viðskiptavinur: Einstaklingur eða lögaðili sem á viðskipti við félagið.

Neytandi: Einstaklingur sem á viðskipti aðallega í tilgangi sem er óviðkomandi atvinnustarfsemi hans.

Eðalmálmar: Gull, silfur, platína og aðrir málmar sem félagið býður til sölu.

Markaðstengd vara: Vara þar sem söluverð er að verulegu leyti háð breytingum á alþjóðlegu markaðs- eða spot-verði eðalmálms sem félagið hefur ekki stjórn á.

Föstu verðlögð vara: Vara þar sem verð hennar er ekki með þeim hætti háð sveiflum á fjármálamarkaði, svo sem tilteknar safnvörur eða aukahlutir.

Spot-verð: Viðmiðunarverð eðalmálms á alþjóðlegum markaði á tilteknum tíma samkvæmt því verðviðmiði sem notað er í verðkerfi félagsins.

Kafli B – Pöntun, verð og greiðsla

3. Samningsmyndun og binding pöntunar

Pöntun telst lögð fram þegar viðskiptavinur hefur lokið pöntunarferlinu og staðfest pöntun með aðgerð sem ber skýrt með sér að pöntunin feli í sér greiðsluskyldu.

Pöntun og verð verða bindandi þegar pöntunin hefur verið móttekin í pöntunarkerfi félagsins.

Pöntunarstaðfesting er send á það netfang sem viðskiptavinur gefur upp. Staðfestingin skal eftir því sem við á sýna þær upplýsingar sem lágu til grundvallar pöntuninni, þ.m.t. verð, vörur, greiðslumáta og afhendingu.

Verðbinding vegna markaðstengdra vara gildir í 24 klukkustundir frá því að pöntunin er móttekin í pöntunarkerfi félagsins.

Félaginu er þó heimilt að stöðva eða fella niður viðskipti ef framkvæmd þeirra er óheimil samkvæmt lögum, lögbundinni áreiðanleikakönnun verður ekki lokið eða um augljósa tæknilega eða kerfislega verðvillu er að ræða sem viðskiptavinur vissi eða mátti með sanngirni vita að væri röng.

Slík heimild skal ekki notuð vegna almennra breytinga á markaðsverði eftir að bindandi pöntun hefur verið gerð.

4. Verðlagning og markaðssveiflur

Verð á eðalmálmum getur breyst hratt í samræmi við breytingar á alþjóðlegu spot-verði og gjaldmiðlum.

Öll verð á vefnum eru birt í íslenskum krónum nema annað sé sérstaklega tekið fram.

Endanlegt verð, opinber gjöld og annar kostnaður sem vitað er um skal koma skýrt fram áður en pöntun er staðfest. Sendingarkostnaður skal koma fram áður en greiðsluskyld pöntun er lögð fram.

Bindandi verð er það verð sem gildir þegar pöntunin er móttekin í pöntunarkerfi félagsins samkvæmt 3. gr.

Eftir að pöntun hefur orðið bindandi hefur breyting á markaðsverði ekki áhrif á kaupverð hennar á 24 klukkustunda verðbindingartímabilinu.

Við verðútreikning markaðstengdra vara notar félagið spot-verð og gjaldmiðlaviðmið samkvæmt verðkerfi sínu á viðkomandi tíma. Sama viðmið skal notað við samanburð ef reikna þarf markaðstap samkvæmt 8. gr.

5. Greiðslur

Félagið býður þá greiðslumáta sem birtir eru í greiðsluferli hverju sinni.

Greiðsla skal berast að fullu áður en vara er afhent, nema annað hafi sérstaklega verið samið.

Ef viðskiptavinur velur kröfu í heimabanka hefur hann 24 klukkustundir frá því að pöntun var lögð fram til að greiða kröfuna.

Pöntunin er bindandi á því tímabili og verð helst læst samkvæmt 3. gr.

Berist greiðsla ekki innan 24 klukkustunda telst um vanefnd að ræða og félaginu er heimilt að fella pöntunina niður.

Ef um markaðstengda vöru er að ræða getur raunverulegt og sannanlegt markaðstap vegna vanefndarinnar fallið á viðskiptavin samkvæmt 8. gr.

Kafli C – Afturköllun, niðurfelling og markaðstap

6. Almennur réttur neytenda til að falla frá samningi

Neytendur hafa almennt 14 daga rétt til að falla frá fjarsölusamningi samkvæmt lögum nr. 16/2016 um neytendasamninga, nema lögbundin undantekning eigi við.

Rétturinn getur meðal annars átt við um föstu verðlagðar vörur, safnvörur og aukahluti þar sem verð vörunnar er ekki háð sveiflum á fjármálamarkaði í skilningi b-liðar 18. gr. laga nr. 16/2016.

Neytandi sem vill nýta lögbundinn rétt til að falla frá samningi skal tilkynna félaginu það með skýrum hætti innan lögbundins frests, til dæmis með tölvupósti á upplysingar@gullmarkadurinn.is.

Sé vara þegar komin í vörslu neytanda skal hún send eða afhent til baka innan lögbundins frests eftir að tilkynning um að fallið sé frá samningi hefur verið send.

Neytandi ber beinan kostnað við skil vörunnar nema annað hafi verið tekið fram eða lög kveði á um annað.

Neytandi ber aðeins ábyrgð á þeirri verðrýrnun vörunnar sem stafar af meðhöndlun umfram það sem nauðsynlegt er til að staðreyna eðli, eiginleika og virkni hennar, eftir því sem lög heimila.

Lögbundinn réttur neytanda til að falla frá samningi verður ekki háður riftunargjaldi eða greiðslu markaðstaps.

7. Markaðstengdar vörur og undantekning frá 14 daga rétti

Samkvæmt b-lið 18. gr. laga nr. 16/2016 gildir lögbundinn réttur neytanda til að falla frá samningi ekki þegar afhending vöru er, að því er varðar verðlag, háð sveiflum á fjármálamarkaði sem seljandi hefur ekki stjórn á og sem geta orðið áður en frestur til að falla frá samningi rennur út.

Þessi undantekning getur meðal annars átt við um gull, silfur og aðra eðalmálma þegar verð viðkomandi vöru er í raun markaðstengt með þessum hætti.

Það eitt að vara sé gerð úr gulli, silfri eða öðrum eðalmálmi þýðir því ekki sjálfkrafa að 14 daga rétturinn falli niður.

Ef vara er föstu verðlögð eða verð hennar er ekki háð viðkomandi markaðssveiflum gilda almennar reglur um rétt til að falla frá samningi, nema önnur lögbundin undantekning eigi við.

Upplýsingar um að 14 daga réttur sé ekki fyrir hendi skulu koma skýrt fram áður en pöntun á slíkri vöru er staðfest.

8. Niðurfelling bindandi pöntunar og markaðstap

Félagið innheimtir ekki fast riftunargjald vegna niðurfellingar bindandi pöntunar á markaðstengdri vöru.

Ef viðskiptavinur vanefnir bindandi pöntun, meðal annars með því að greiða ekki innan 24 klukkustunda, eða óskar eftir að félagið falli frá bindandi pöntun sem lögbundinn afturköllunarréttur tekur ekki til, getur félagið krafið viðskiptavin um raunverulegt og sannanlegt markaðstap sem rekja má beint til verðbreytinga á viðkomandi eðalmálmi.

Markaðstap er aðeins innheimt ef markaðsverð hefur þróast félaginu í óhag.

Reiknireglan er:

Markaðstap = markaðsverðmæti málminnihalds vörunnar við verðbindingu − markaðsverðmæti sama málminnihalds þegar pöntunin er felld niður vegna vanefndar.

Við útreikning skal nota sama spot-verðsviðmið og sambærilegan gjaldmiðilsgrundvöll og lá til grundvallar upphaflegri verðbindingu.

Ef niðurstaða útreikningsins er núll eða neikvæð er ekkert markaðstap innheimt.

Viðskiptavinur öðlast ekki rétt til greiðslu vegna markaðshækkunar sem kann að hafa orðið á tímabilinu.

Félagið skal geta lagt fram sundurliðaðan útreikning á markaðstapi sé þess krafist.

Ákvæði þetta gildir ekki þegar neytandi nýtir lögbundinn rétt sinn til að falla frá samningi.

Kafli D – Afhending og eignarréttur

9. Afhending

Afhendingarmátar sem í boði eru hverju sinni koma fram í pöntunarferli.

Afhending getur meðal annars farið fram með:

• sendingu,
• hraðsendingu,
• eða afhendingu á starfsstöð félagsins.

Áður en pöntun er staðfest skal viðskiptavinur fá upplýsingar um sendingarkostnað og, eftir því sem unnt er, áætlaðan afhendingartíma.

Félagið afhendir ekki vörur fyrr en full greiðsla hefur borist nema annað hafi verið sérstaklega samið.

Þegar um neytendakaup er að ræða flyst áhætta af vörunni til neytanda þegar hann eða þriðji aðili sem hann hefur tilnefnt hefur tekið vöruna í sína vörslu, í samræmi við lög.

Viðskiptavinur er hvattur til að skoða sendingu við móttöku og tilkynna félaginu eins fljótt og unnt er um sýnilegt tjón eða rangar vörur. Slík tilkynningarskylda skerðir ekki lögbundinn rétt neytanda vegna galla.

10. Eignarréttur

Félagið heldur eftir eignarrétti að vöru þar til kaupverð hefur verið greitt að fullu.

Eignarréttur og áhætta færast að öðru leyti samkvæmt gildandi lögum og afhendingarskilmálum.

Kafli E – Gæði, gallar og ábyrgð

11. Gæði og vörulýsingar

Félagið leggur áherslu á að vörulýsingar séu réttar og að upplýsingar um meðal annars framleiðanda, málm, þyngd, hreinleika og uppruna séu eins nákvæmar og unnt er.

Ástand einstakra mynta, stanga eða annarra vara getur verið mismunandi, sérstaklega þegar um er að ræða eldri vörur eða vörur á endursölumarkaði.

Ef sérstakt ástand eða útlit hefur áhrif á verð eða eiginleika vöru skal leitast við að það komi skýrt fram í vörulýsingu.

12. Gallar og kvartanir

Um galla á vörum og úrræði neytenda vegna þeirra fer samkvæmt lögum nr. 48/2003 um neytendakaup og öðrum viðeigandi lögum.

Lögbundin úrræði geta meðal annars falist í úrbótum, nýrri afhendingu, afslætti, riftun eða skaðabótum eftir því sem skilyrði laga eru uppfyllt.

Viðskiptavinur skal beina kvörtun vegna galla til félagsins á upplysingar@gullmarkadurinn.is og leggja fram upplýsingar sem gera félaginu kleift að kanna málið.

Ekkert í þessum skilmálum takmarkar ófrávíkjanleg réttindi neytenda vegna galla.

Kafli F – Endurkaup á gulli og silfri

13. Endurkaupsstefna

Félagið býður endurkaup á tilteknum gull- og silfurvörum samkvæmt þeirri endurkaupsstefnu sem birt er á vef félagsins og þeim skilyrðum sem þar koma fram.

Hámark endurkaupsverðs er:

Gull: allt að 97% af viðmiðuðu spot-verði.

Silfur: allt að 94% af viðmiðuðu spot-verði.

Hlutföllin 97% og 94% eru hámarkshlutföll en ekki tryggt endurkaupsverð í hverju tilviki.

Endanlegt endurkaupstilboð getur meðal annars ráðist af:

• ástandi og útliti myntar eða stangar,
• tegund og framleiðanda,
• hreinleika og þyngd,
• seljanleika vörunnar,
• umbúðum, innsigli eða vottun ef við á,
• uppruna vörunnar,
• og niðurstöðu sannprófunar á áreiðanleika, þyngd og málminnihaldi.

Félagið getur óskað eftir að framkvæma vigtun, sjónskoðun, efnagreiningu eða aðra eðlilega sannprófun áður en endanlegt endurkaupstilboð er gefið.

Við endurkaup skal koma skýrt fram hvaða spot-verð og verðtími liggur til grundvallar tilboðinu.

Endurkaupsstefnan felur ekki í sér tryggingu fyrir verðþróun gulls, silfurs eða annarra eðalmálma.

Endurkaupsstefna félagsins getur tekið breytingum framvirkt. Breyting á almennri stefnu hefur ekki áhrif á bindandi skriflegt endurkaupstilboð sem þegar hefur verið gefið út og er enn innan tilgreinds gildistíma þess.

Kafli G – Áreiðanleikakönnun og peningaþvættisvarnir

14. Auðkenning og áreiðanleikakönnun

Félagið framkvæmir áreiðanleikakönnun eftir því sem lög nr. 140/2018 og aðrar gildandi reglur krefjast.

Félagið getur eftir atvikum óskað eftir:

• staðfestingu á auðkenni,
• upplýsingum um raunverulegan eiganda,
• upplýsingum um uppruna fjármuna,
• upplýsingum um tilgang viðskipta,
• eða öðrum gögnum sem lög eða áhættumat krefjast.

Félaginu er heimilt og eftir atvikum skylt að fresta, hafna eða stöðva viðskipti ef lögbundinni áreiðanleikakönnun verður ekki lokið eða lög banna framkvæmd viðskiptanna.

Slík ákvæði veita félaginu ekki almenna heimild til að fella niður bindandi pöntun eingöngu vegna þess að markaðsverð hefur breyst.

Kafli H – Persónuvernd

15. Meðferð persónuupplýsinga

Persónuupplýsingar eru unnar í samræmi við gildandi persónuverndarlöggjöf, þar á meðal lög nr. 90/2018 um persónuvernd og vinnslu persónuupplýsinga og reglugerð (ESB) 2016/679.

Nánari upplýsingar um vinnslu persónuupplýsinga, varðveislutíma, réttindi skráðra einstaklinga og samskiptaupplýsingar má finna í persónuverndarstefnu félagsins á vefnum.

Kafli I – Ábyrgð og óviðráðanlegar aðstæður

16. Markaðsáhætta

Verð eðalmálma getur bæði hækkað og lækkað.

Upplýsingar á vef félagsins um eðalmálma, verðþróun eða markaði teljast ekki persónubundin fjárfestingarráðgjöf nema annað sé sérstaklega tekið fram.

Viðskiptavinur ber sjálfur ábyrgð á ákvörðun sinni um kaup eða sölu og þeirri markaðsáhættu sem henni fylgir.

Þetta ákvæði takmarkar ekki ábyrgð félagsins vegna rangra eða villandi upplýsinga, galla, vanefnda eða annarra tilvika þar sem ábyrgð leiðir af ófrávíkjanlegum lögum.

17. Takmörkun ábyrgðar

Félagið ber ekki ábyrgð á tjóni sem eingöngu leiðir af almennum breytingum á markaðsverði eðalmálma eftir að viðskipti hafa verið framkvæmd.

Engin ábyrgðartakmörkun samkvæmt skilmálum þessum gildir að því marki sem hún væri andstæð ófrávíkjanlegum lögum.

Takmörkun ábyrgðar gildir ekki um tjón sem stafar af ásetningi eða stórfelldu gáleysi félagsins eða önnur tilvik þar sem ábyrgð verður ekki takmörkuð samkvæmt lögum.

18. Óviðráðanlegar aðstæður

Félagið ber ekki ábyrgð á töfum eða vanefndum að því marki sem þær verða vegna óvenjulegra aðstæðna utan sanngjarnrar stjórnunar félagsins sem ekki var með sanngirni unnt að koma í veg fyrir eða ráða bót á.

Slíkar aðstæður geta meðal annars verið náttúruhamfarir, stríðsátök, víðtækar truflanir á mikilvægum innviðum, opinber innflutnings- eða flutningshöft eða alvarlegar truflanir hjá flutningsaðila sem félagið ræður ekki við.

Ákvæðið tekur ekki til bilana eða aðstæðna sem félagið hefði með sanngjörnum ráðstöfunum getað komið í veg fyrir eða ráðið bót á.

Ákvæðið skerðir ekki ófrávíkjanleg réttindi neytanda.

Kafli J – Kvartanir, ágreiningur og breytingar

19. Kvartanir

Viðskiptavinir eru hvattir til að beina kvörtunum fyrst til félagsins:

Netfang: upplysingar@gullmarkadurinn.is
Sími: 519 4000
Heimilisfang: Ármúli 13, 4. hæð, 108 Reykjavík

Félagið leitast við að svara kvörtunum eins fljótt og unnt er og leysa ágreining með sanngjörnum hætti.

Neytandi getur, að uppfylltum skilyrðum laga, óskað eftir úrlausn kærunefndar vöru- og þjónustukaupa vegna ágreinings sem rís af sölu- eða þjónustusamningi.

20. Lög og úrlausn ágreinings

Um skilmála þessa og viðskipti samkvæmt þeim gilda íslensk lög.

Takist ekki að leysa ágreining með samkomulagi eða fyrir viðeigandi úrskurðaraðila getur hvor aðili lagt málið fyrir dómstóla samkvæmt almennum reglum.

Ekkert ákvæði skilmálanna takmarkar lögbundinn rétt neytanda til að leita réttar síns fyrir lögbærum úrskurðaraðila eða dómstóli.

21. Breytingar á skilmálum

Félagið getur uppfært skilmála þessa vegna lagabreytinga, breytinga á starfsemi eða annarra málefnalegra ástæðna.

Ný útgáfa skilmála gildir frá þeim degi sem tilgreindur er efst á síðunni og um viðskipti sem gerð eru eftir þann tíma.

Um pöntun gildir að meginstefnu sú útgáfa skilmála sem var í gildi þegar pöntunin var lögð fram, nema ófrávíkjanleg lög kveði á um annað eða síðari breyting sé viðskiptavini hagstæðari.

Gullmarkaðurinn-verslun ehf.
Kt. 640226-1020
Ármúli 13, 4. hæð
108 Reykjavík
Sími: 519 4000
upplysingar@gullmarkadurinn.is