Endurkaupsstefna á fjárfestingargulli og silfri

Gullmarkaðurinn-verslun ehf.

Endurkaupsstefna (Buy-Back Policy) fyrir gull og silfur

1. Aðilar

Endurkaupsstefna þessi (hér eftir „Stefnan“) er birt af Gullmarkaðurinn-verslun ehf., kt. 640226-1020, og tekur til viðskiptavina sem hafa keypt fjárfestingargull og/eða fjárfestingarsilfur af félaginu.

2. Gildissvið

Stefnan tekur til gull- og silfurstanga eða myntar sem Viðskiptavinur hefur keypt beint af Gullmarkaðurinn-verslun ehf. og getur framvísað með:

• frumreikningi eða stafrænu kaupstaðfestingu, og
• sönnun á uppruna vörunnar (t.d. raðnúmerum, vottun framleiðanda eða umbúðum, ef við á).

Endurkaupsstefna þessi er viðbót við lögbundin réttindi neytenda og skerðir ekki þau réttindi

3. Kaupverð við endurkaup

Gullmarkaðurinn-verslun ehf. getur boðið viðskiptavini endurkaup á vörum sem falla undir Stefnuna og uppfylla skilyrði hennar samkvæmt eftirfarandi hámarksviðmiðum:

• Gull: Endurkaup á gulli á allt að 97% af heimsmarkaðsverði (spot-verði) gulls
• Silfur: Endurkaup á silfri á allt að 94% af heimsmarkaðsverði (spot-verði) silfurs

Endurkaupsverð miðast við heimsmarkaðsverð (spot-verð) viðkomandi málms á þeim degi og tíma sem endurkaupstilboð er gefið út.

Hlutföllin 97% og 94% eru hámarkshlutföll. Ekkert lágmarkshlutfall eða lágmarksverð er tryggt samkvæmt Stefnunni.

4. Skilyrði endurkaupa

Til að vara komi til greina til endurkaupa samkvæmt Stefnunni skulu eftirfarandi skilyrði vera uppfyllt:

• Varan skal vera ósvikin, óbreytt og í seljanlegu ástandi að mati Gullmarkaðurinn-verslun ehf.
• Varan skal ekki hafa verið skemmd, brædd, mótuð eða meðhöndluð þannig að gæði, þyngd eða hreinleiki séu óviss.

Gullmarkaðurinn-verslun ehf. áskilur sér rétt til að framkvæma sannprófun (t.d. efnagreiningu eða vigtun) áður en endanlegt endurkaupsverð er staðfest.

5. Framkvæmd endurkaupa

• Viðskiptavinur skal hafa samband við Gullmarkaðurinn-verslun ehf. og óska eftir bindandi endurkaupstilboði.
• Endurkaupstilboð gildir í þann tíma sem tilgreindur er (að jafnaði sama dag eða innan tiltekins tímafrests).
• Greiðsla fer eingöngu fram með millifærslu á bankareikning á nafni Viðskiptavinar.

6. Gjöld og frádrættir

Endanlegt endurkaupstilboð skal sýna endurkaupsverð og öll möguleg gjöld eða frádrætti sérstaklega. Gullmarkaðurinn-verslun ehf. getur dregið frá:

• staðfestan sendingarkostnað, ef Gullmarkaðurinn-verslun ehf. annast flutning,
• raunverulegan kostnað vegna sértækrar prófunar eða sannprófunar, ef ástæða þykir til.

Öll gjöld og frádrættir skulu koma skýrt fram í endurkaupstilboði áður en viðskiptavinur samþykkir það. Engin önnur gjöld eða frádrættir verða gerðir án þess að viðskiptavinur hafi verið upplýstur um þá fyrirfram

7. Virðisaukaskattur (VSK)

Endurkaupsverð sem greitt er til viðskiptavinar tekur ekki til virðisaukaskatts.

Við endurkaup á málmum frá einkaaðilum (einstaklingum sem ekki eru virðisaukaskattsskyldir) er virðisaukaskattur ekki greiddur né innheimtur af hálfu Gullmarkaðurinn-verslun ehf., í samræmi við gildandi íslensk skattalög.

Ef seljandi er virðisaukaskattsskyldur aðili fer meðferð virðisaukaskatts eftir gildandi lögum og reglum hverju sinni.

8. Skattar og opinber gjöld

Viðskiptavinur ber ábyrgð á eigin skattalegum skyldum vegna sölu á málmum, eftir því sem við á samkvæmt íslenskum lögum og reglum á hverjum tíma.

9. Takmörkun ábyrgðar

Stefnan felur ekki í sér fjárfestingarráðgjöf né tryggingu um verðþróun málma. Gullmarkaðurinn-verslun ehf. ber ekki ábyrgð á markaðssveiflum eða tjóni sem rekja má til breytinga á verði gulls eða silfurs.

10. Gildistími

Stefnan gildir frá þeim degi sem tilgreindur er á síðunni og þar til henni er breytt eða hún felld niður. Sú útgáfa Stefnunnar sem er í gildi þegar óskað er eftir endurkaupstilboði gildir um viðkomandi endurkaup, óháð því hvenær varan var upphaflega keypt. Stefnan tryggir ekki að sömu hámarkshlutföll, skilyrði eða önnur viðmið verði í boði síðar. Breytingar á Stefnunni hafa þó ekki áhrif á bindandi endurkaupstilboð sem félagið hefur þegar gefið og er enn innan gildistíma síns.

11. Persónuvernd

Meðferð persónuupplýsinga fer fram í samræmi við gildandi persónuverndarlög, þ.m.t. lög nr. 90/2018 um persónuvernd og vinnslu persónuupplýsinga.

12. Lög og ágreiningur

Um Stefnu þessa og endurkaup samkvæmt henni gilda íslensk lög. Takist ekki að leysa ágreining með samkomulagi getur hvor aðili lagt málið fyrir lögbæran úrskurðaraðila eða dómstól samkvæmt almennum reglum. Ekkert ákvæði Stefnunnar takmarkar lögbundinn rétt neytanda til að leita réttar síns samkvæmt gildandi lögum.

Staðfesting

Endurkaupsstefna þessi er birt til upplýsingar um þau viðmið sem Gullmarkaðurinn-verslun ehf. fylgir við endurkaup hverju sinni. Um endurkaup gildir sú útgáfa stefnunnar sem er í gildi þegar óskað er eftir endurkaupstilboði.